എല്ലാവര്ക്കും ബലി പെരുന്നാള് ആശംസകള്
വിവേചനത്തിനെതിരായ ആത്മീയ പ്രതിരോധമാണ് ബലിപെരുന്നാള്
ടി. ആരിഫലി
കോഴിക്കോട്: മനുഷ്യര്ക്കിടയില് കെട്ടിപ്പൊക്കിയ എല്ലാ മതിലുകള്ക്കുമെതിരായ ആത്മീയ പ്രതിരോധമാണ് ഹജ്ജും പെരുന്നാളുമെന്ന് ജമാഅത്തെ ഇസ്ലാമി കേരള അമീര് ടി. ആരിഫലി പ്രസ്താവിച്ചു. സാമുദായികവും ജാതീയവുമായ കന്മതിലുകള് സമൂഹത്തില് കെട്ടിപ്പൊക്കിയെടുക്കാനുള്ള ബോധപൂര്വമായ ശ്രമങ്ങള് നടക്കുന്ന ഇക്കാലത്ത് പ്രവാചകന് ഇബ്റാഹീമിന്റെ ജീവിതസന്ദേശത്തിന് കൂടുതല് പ്രസക്തിയുണ്ട്.
സര്വ മനുഷ്യര്ക്കും സുഭിക്ഷതയും സമാധാനവും അനുഭവിക്കാന് കഴിയുന്ന ഒരു സാമൂഹികക്രമം പടുത്തുയര്ത്താന് പരിശ്രമിക്കുകയും പ്രാര്ഥിക്കുകയും ചെയ്ത പ്രവാചകനാണ് ഇബ്റാഹിം. എല്ലാ മനുഷ്യരോടും ചേര്ന്നുനിന്നും സാമൂഹിക ബന്ധങ്ങള് ഊഷ്മളമാക്കിയും പെരുന്നാള് ആഘോഷിക്കാന് വിശ്വാസികള് ശ്രദ്ധിക്കണം. ആരോപണങ്ങളും വിവാദങ്ങളും നിമിത്തം സാമൂഹിക മുഖ്യധാരയില് നിന്ന് അടര്ന്നുപോകാതിരിക്കാനുള്ള ജാഗ്രതയും വേണം. മനുഷ്യന് എന്ന അവകാശം നിഷേധിക്കപ്പെടുന്ന സകലരോടും ഐക്യദാര്ഢ്യം പ്രഖ്യാപിച്ചുകൊണ്ടാകണം ബലിപെരുന്നാള് ആഘോഷിക്കുന്നത്. എല്ലാ മലയാളികള്ക്കും സ്നേഹമുള്ള പെരുന്നാള് ആശംസകള് നേരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ