റിയാദ്: ആറ് ഗള്‍ഫ് രാജ്യങ്ങളിലെ മലയാളി കുട്ടികള്‍ക്കായി മലര്‍വാടി സംഘടിപ്പിക്കുന്ന 'മലര്‍വാടി ജി.സി.സി മെഗാ ക്വിസി'ന്റെ ലോഗോ പ്രകാശനം പ്രശ്‌സത ടെലിവിഷന്‍ അവതാരകനും റിവേഴ്‌സ് ക്വിസ് മാസ്റ്ററുമായ ഡോ. ജി.എസ് പ്രദീപ് നിര്‍വഹിച്ചു. പാഠപുസ്തകങ്ങളുടെ അക്ഷരകൂട്ടുകള്‍ക്കപ്പുറം അറിവിന്റെ പുതിയ ലോകത്തേക്ക് കുരുന്നുകളെ കൈപിടിച്ചുയര്‍ത്തുന്ന വിജഞാനത്തിന്റെയും വിനോദത്തിന്റെയും സന്ദേശം വിളംബരം ചെയ്താണ് മലര്‍വാടി മെഗാ ക്വിസ് ലോഗോ രൂപകല്‍പ്പന ചെയ്തത്. ആറ് രാജ്യങ്ങളിലെ പതിനായിരക്കണക്കിന് വിദ്യാര്‍ഥികളെ പങ്കെടുപ്പിച്ച് മൂന്ന് മാസം നീണ്ടുനില്‍ക്കുന്ന ക്വിസ് ഗള്‍ഫിലെ പത്ത് കേന്ദ്രങ്ങളില്‍ നടക്കും. കൂടുതല്‍ വിവരങ്ങള്‍ വൈകാതെ പുറത്തുവിടുമെന്ന് ഭാരവാഹികള്‍ അറിയിച്ചു.
